OBLIQUARE visus

OBLIQUARE visus

apud Statium Achill. l. 1. v. 323. de Achille,

Mulcetur, laetumque rubet, visusque superbos

Obliquat ——

amoris indicium. Unde vetus Schol. Cum heroicum, inquit, et virile ante contueretur; nunc obliquatô visu, remittit austeritatem et assensum fatetur. Sic de amore correpto suo Leandro, Musaeus:

Λοξὰ δ᾿ ὀπιπτεύων δολερὰς ἐλέλιξεν ὀπωπάς.

Apollonius de Medea l. 3.

—— ἐπ᾿ αὐτῷδ᾿ ὄμματα κούρη

Λοξὰ παρὰ λιπαρὴν χομένη θηεῖτο καλύπτρην.

Ipsum Amorem σιμὰ γελᾷν dicit Meleager Antholog. l. 7.

Ἔςτι δ᾿ ὁ παῖς γλυκίδακρυς, ἀειλάλος, ὠκὺς, ἀθεμβὴς,

Σιμὰ γελῶν, πτερόεις, νῶτα φαρετροφόρος.

Et versatiles amore perculso oculos adscribit Nonnus l. 35. de Morrheo, quem vide. Addit autem superbos visus Statius, propter non penitus abiectum fastum, qui naturâ in signiorem nobilitatem comitatur. Sic puella Bucolum obliquis in tuebatur, contemnens eum et ob raptum osculum despuens, apud Theocritum Idyllio 20. etc. Idem vero et verecundiae signum. Statius iterum Theb. l. 1. v. 675.

Deiecit maestos ex templo Ismenius heros

In terram vultus, taciteque ad Tydea laesum

Obliquare oculos ——

Invidiae porro et tacitae obtrectationis. Idem Theb. l. 22. v. 536.

Atthides obliquae secum mirantur opertô

Murtnure ——

Et Horatius l. 1. Ep. 14. v. 37.

Non istic obliquô oculô mea commoda quisquam

Limat ——

Cuiusmodi oculum πονηρὸν, malum, vocat Dominus noster, Matth. c. 20. v. 15. Vide plura de voce hac, apud Casp. Barthium Animadversion. ad Statium passim, inprimis ad l. 1. Sylv. 2. v. 27.

—— Obliqui carminis astus.